खानापूर (सुहास पाटील )
संदेश क्रांती न्यूज :
मराठा मंडळ संस्थेच्या खानापूर शहरातील ताराराणी हायस्कूलच्या मुलींच्या हाॅकी संघाने खानापूर तालुक्याला पहिल्यांदाच हाॅकी खेळातील ऐतिहासिक असे कांस्यपदक मिळवून दिले.
या विजयी संघाचे नेतृत्व कॅप्टन मयुरी कंग्राळकर हीने केले, या संघाचे बलस्थान म्हणजे तगडा गोलकीपर नेत्रा गुरव ही असून कुमारी साक्षी पाटील, राधिका पाटील, साक्षी चौगुले, सविता चिगदीनकोप, आयेशा शेख, प्रीती नांदुडकर, ममता कुंभार, सानिका पाटील, श्रेया पाटील, अनुराधा मयेकर, श्रेया गोंधळी, वैष्णवी ईटनाळ, सेजल भावी, तनुश्री गावडे, निशा दोडमनी, भूमी लटकन, वैष्णवी नाईक या संघ सदस्य आहेत.
या खेळाडूंना मराठा मंडळ संस्थेच्या सन्माननीय अध्यक्षा डॉक्टर राजश्रीताई नागराजू व संचालक शिवाजीराव पाटील, ज्येष्ठ संचालक परशराम गुरव शाळेचे मुख्याध्यापक राहुल एन. जाधव यांचे सदैव प्रोत्साहन मिळत आहे.
तर शाळेच्या क्रीडा शिक्षिका श्रीमती अश्विनी टी पाटील यांचे मौलिक मार्गदर्शन लाभत असून, ताराराणी पदवीपूर्व महाविद्यालयाचे प्रा.अरविंद पाटील यांच्यासह बेळगाव हॉकी फेडरेशन सेक्रेटरी सुधाकर चाळके, कोच उत्तम शिंदे, संतोष दरेकर, गणपत गावडे, सदस्य नामदेव सावंत, मनोहर पाटील यांचे प्रोत्साहन मिळाले असून क्रीडा शिक्षक वाय एफ निलजकर, सी के
गोमानाचे, श्री यु एम धबाले श्रीमती एम एस तंगडे व सर्व शिक्षक वर्गाचे विशेष मार्गदर्शन लाभले आहे. या घवघवीत यशासाठी हाॅकी खेळाडूना संचालक शिवाजी पाटील व मुख्याध्यापक राहूल जाधव यांनी पेढे भरवून आणि अभिनंदन केले.
