संदेश क्रांती न्यूज :
खानापूर ( सुहास पाटील )
खानापूर शहरातील समर्थ इंग्लिश मिडीयम स्कूलच्या सन २०२४-२५ सालाच्या वार्षिक क्रिडास्पर्धा गुरूवारी दि.२६ रोजी पार पडल्या.
कार्यक्रमाला प्रमुख अतिथी म्हणून शाळचे सचीव डाॅ.डी ई नाडगौडा, डाॅ.सुनिल पाटील,डाॅ.राम पाटील,अध्यक्ष फकिरा एम पाटील,डाॅ.एन एल कदम आदी मान्यवर उपस्थित होते.
यावेळी प्रास्ताविक व उपस्थितांचे स्वागत सचीव डाॅ.डी.ई.नाडगौडा यानी केले.
कार्यक्रमाची सुरूवात मुलींच्या ईशस्तवन व स्वागत गीताने झाली.
यावेळी उपस्थित पाहूण्याच्याहस्ते विविध फोटोचे पुजन करण्यात आले.
यावेळी खेळाडुनी कवायतीचे दर्शन घडविले. पाहुण्यांच्याहस्ते क्रीडाज्योत पेटविण्यात आली. यावेळी खेळांडू यशवर्धन ज्ञानेश्वर नाडगौडा याने गोळाफेक टाकून क्रिडास्पर्धाचे उदघाटन केले.
यावेळी समर्थ स्कूलच्या खेळांडुनी भाग स्पर्धाचा आनंद लुटला.
उदघाटन प्रसंगी बोलताना डाॅ डी.ई नाडगौडा म्हणाले विद्यार्थ्यानी अभ्यासाबरोबर खेळाकडे लक्ष देणे गरजेचे आहे. खेळामुळे व्यायाम होतो.शरीर सदृढ बनते.त्यामुळे अभ्यास ही चांगला होतो. म्हणून प्रत्येक विद्यार्थ्याने खेळात भाग घेऊन यश संपादन केले पाहिजे असे मत व्यक्त केले.
यावेळी उपस्थित पाहुण्यानी आपले विचार मांडले.
कार्यक्रमाचे सुत्रसंचालन मनिषा कोदाळकर यानी केले.तर आभार प्रदर्शन भाग्यश्री पाटील यानी मानले. क्रीडास्पर्धा पार पाडण्यासाठी प्राचार्या सौ दिव्या डी नाडगौडा व क्रिडाशिक्षक व इतर शिक्षकानी परिश्रम घेतले.
